Fyrri mynd
Nsta mynd
X-L
X-L
Open Menu Close Menu
 

Fréttir

25. maí 2018

Heilbrigt samfélag

Etir Arnrúnu Báru & Söru Lind

Undanfarin ár hefur orðið breyting í samfélaginu og hugarfari einstaklinga. Við erum orðin meðvitaðri um umhverfið, ábyrgð okkar gagnvart því og mikilvægi þess að tileinka sér heilbrigðan lífstíl. Þessi vitundarvakning er mjög jákvæð og hefur marga kosti í för með sér. Samfélagið er í sífelldri þróun og það er nauðsynlegt að bregðast við og taka þátt í þessum jákvæðu breytingum.

Lýðheilsa bæjarbúa er stórt atriði í stefnumálum L-listans. Við viljum stuðla að og efla heilbrigt líferni, vinna með þessa góðu þróun sem við teljum að sé komin til að vera og eigi eftir að breiðast enn meira út. Með því að stuðla að heilbrigðu samfélagi teljum við að Blönduósbær verði ákjósanlegri, kröftugri og skilvirkari. Líkamleg, andleg og félagsleg vellíðan bæjarbúa skiptir höfuðmáli en fær oft að sitja á hakanum vegna ýmissa ástæðna. L-listinn vill auðvelda einstaklingum að rækta bæði líkama og sál. Meðal annars með auðveldara aðgengi að frábæru aðstöðunni sem við höfum í íþróttamiðstöðinni. Við viljum að allir hafi jöfn tækifæri til að móta heilbrigðan lífsstíl sem að dregur úr áhættu og áhrifum af langvinnum sjúkdómum. Ásamt því að hafa forvarnargildi fyrir unga fólkið okkar sem skiptir miklu máli í nútímasamfélagi þar sem að áreitið er mikið og hætturnar margar.

Heilbrigt samfélag er heildrænt hugtak og við teljum að nauðsynlegt sé að byrja á að hugsa vel um börnin okkar. Listinn vill innleiða heilsustefnu í leik- og grunnskóla með það að markmiði að bæta heilsu og líðan nemenda og starfsmanna. Áhersla verður lögð á að ráða matráð sem mun elda fyrir öll skólastig sveitarfélagsins og verður hollt, fjölbreytt og hreint mataræði haft í fyrirrúmi. Hugmyndin er að næringarfræðingur setji saman fjölbreyttan og hollan matseðil sem telur 6 til 8 vikur og endurtekur sig svo allt skólaárið. Þá viljum við einnig taka upp þá hefð að hafragrautur verði í boði í morgunmat og ávaxtastund í kaffitímanum. Stefnt er að því að fyrir árslok 2019 verði rekið sameiginlegt mötuneyti fyrir leik- og grunnskóla og dreifnámið. Hugmyndin að dreifnámið hafi aðgang að mötuneytinu líka er til að tryggja að þau fái hollan og staðgóðan mat í hádeginu en sækist ekki í auðvelt, fljótlegt og næringarsnautt fæði. Þessi aldurshópur á það til að gleymast í samfélaginu og teljum við mikilvægt að hugað sé betur að þeim.

L - Listinn vann að því að börn Blönduósbæjar fengju frían aðgang í sund og viljum við halda fast í þá stefnu. Við teljum einnig mikilvægt að tryggja öryrkjum og eldri borgurum greiðari aðgang að sundlauginni. Þetta er sá hópur samfélagsins sem oft er töluvert einangraður og teljum við það geta orðið mikilvægan lið í að rjúfa einangrun og auka í leið heilbrigði þessa hóps. Við stefnum því að þessi hópur fái frítt í sund frá ársbyrjun 2019. Einnig viljum við einfalda gjaldskrá íþróttamiðstöðvarinnar til að tryggja að allir hafi greitt aðgengi til að stunda heilbrigðan lífstíl.

Heilbrigt samfélag krefst tíma og samstöðu allra bæjarbúa. Með jákvæðu hugarfari og virkni getum við aukið ánægju og heilbrigði bæjarbúa. Ávinningurinn er ótvíræður ef allir leggja hendur á vogarskálarnar getum við náð frábærum árangri og gert samfélagið okkar enn betra og eftirsóknarverðara. Við hvetjum bæjarbúa til að nýta kosningarétt sinn og setja X við L á laugardaginn

Arnrún Bára & Sara Lind

5. og 13. sæti L - listans

 

Greinar

Kosningaskrifstofa

Opnunartími kosningaskrifstofu L-Listans í Félagsheimilinu á Blönduósi:

Þriðjudagur 22. maí 18:00-21:00

- Farið verður yfir málefni með áherslu á heilbrigt- og fjölskylduvænt samfélag

Miðvikudagur 23. maí 18:00-21:00
- Farið verður yfir málefni með áherslu á atvinnumál

Fimmtudagur 24. maí 18:00-21:00
- Pizzakvöld fyrir unga fólkið kl 20:00

Föstudagur 25. maí 18:00-22:00
-Óvænt uppákoma

Laugardagur 26. maí 10:00-22:00
- Kosningakaffi 14:00-18:00
-Úrslit meistaradeildarinnar verða sýnd á tjaldi
- Kosningavaka eftir kl 22:00

 

 

 

Fréttir

Heilbrigt samfélag

Etir Arnrúnu Báru & Söru Lind

Undanfarin ár hefur orðið breyting í samfélaginu og hugarfari einstaklinga. Við erum orðin meðvitaðri um umhverfið, ábyrgð okkar gagnvart því og mikilvægi þess að tileinka sér heilbrigðan lífstíl. Þessi vitundarvakning er mjög jákvæð og hefur marga kosti í för með sér. Samfélagið er í sífelldri þróun og það er nauðsynlegt að bregðast við og taka þátt í þessum jákvæðu breytingum.

Lýðheilsa bæjarbúa er stórt atriði í stefnumálum L-listans. Við viljum stuðla að og efla heilbrigt líferni, vinna með þessa góðu þróun sem við teljum að sé komin til að vera og eigi eftir að breiðast enn meira út. Með því að stuðla að heilbrigðu samfélagi teljum við að Blönduósbær verði ákjósanlegri, kröftugri og skilvirkari. Líkamleg, andleg og félagsleg vellíðan bæjarbúa skiptir höfuðmáli en fær oft að sitja á hakanum vegna ýmissa ástæðna. L-listinn vill auðvelda einstaklingum að rækta bæði líkama og sál. Meðal annars með auðveldara aðgengi að frábæru aðstöðunni sem við höfum í íþróttamiðstöðinni. Við viljum að allir hafi jöfn tækifæri til að móta heilbrigðan lífsstíl sem að dregur úr áhættu og áhrifum af langvinnum sjúkdómum. Ásamt því að hafa forvarnargildi fyrir unga fólkið okkar sem skiptir miklu máli í nútímasamfélagi þar sem að áreitið er mikið og hætturnar margar.

Heilbrigt samfélag er heildrænt hugtak og við teljum að nauðsynlegt sé að byrja á að hugsa vel um börnin okkar. Listinn vill innleiða heilsustefnu í leik- og grunnskóla með það að markmiði að bæta heilsu og líðan nemenda og starfsmanna. Áhersla verður lögð á að ráða matráð sem mun elda fyrir öll skólastig sveitarfélagsins og verður hollt, fjölbreytt og hreint mataræði haft í fyrirrúmi. Hugmyndin er að næringarfræðingur setji saman fjölbreyttan og hollan matseðil sem telur 6 til 8 vikur og endurtekur sig svo allt skólaárið. Þá viljum við einnig taka upp þá hefð að hafragrautur verði í boði í morgunmat og ávaxtastund í kaffitímanum. Stefnt er að því að fyrir árslok 2019 verði rekið sameiginlegt mötuneyti fyrir leik- og grunnskóla og dreifnámið. Hugmyndin að dreifnámið hafi aðgang að mötuneytinu líka er til að tryggja að þau fái hollan og staðgóðan mat í hádeginu en sækist ekki í auðvelt, fljótlegt og næringarsnautt fæði. Þessi aldurshópur á það til að gleymast í samfélaginu og teljum við mikilvægt að hugað sé betur að þeim.

L - Listinn vann að því að börn Blönduósbæjar fengju frían aðgang í sund og viljum við halda fast í þá stefnu. Við teljum einnig mikilvægt að tryggja öryrkjum og eldri borgurum greiðari aðgang að sundlauginni. Þetta er sá hópur samfélagsins sem oft er töluvert einangraður og teljum við það geta orðið mikilvægan lið í að rjúfa einangrun og auka í leið heilbrigði þessa hóps. Við stefnum því að þessi hópur fái frítt í sund frá ársbyrjun 2019. Einnig viljum við einfalda gjaldskrá íþróttamiðstöðvarinnar til að tryggja að allir hafi greitt aðgengi til að stunda heilbrigðan lífstíl.

Heilbrigt samfélag krefst tíma og samstöðu allra bæjarbúa. Með jákvæðu hugarfari og virkni getum við aukið ánægju og heilbrigði bæjarbúa. Ávinningurinn er ótvíræður ef allir leggja hendur á vogarskálarnar getum við náð frábærum árangri og gert samfélagið okkar enn betra og eftirsóknarverðara. Við hvetjum bæjarbúa til að nýta kosningarétt sinn og setja X við L á laugardaginn

Arnrún Bára & Sara Lind

5. og 13. sæti L - listans

 
Prenta Prenta