Fyrri mynd
Nsta mynd
X-L
X-L
Open Menu Close Menu
 

Fréttir

26. maí 2018

Tækifærin eru á Blönduósi

Eftir Guðmund Hauk Jakobsson sem skipar 1. sæti L-listans

Nú er komið að kosningum og það er tilhlökkunarefni með þeim fjölbreytta og góða hópi sem skipar L-listann. Samfélagið okkar hefur dafnað vel á síðustu árum og hefur tekist að skapa samfélag sem fólk vill búa í. Það er ekki sjálfsagður hlutur en með markvissum hætti hefur okkur tekist að búa til ný störf og hefur ungt fólk verið að flytja til okkar og því hefur fylgt aukinn kraftur og tiltrú. Þetta hefði ekki tekist nema með samhentu átaki, því staðreyndin er sú að enginn gerir hlutina einn.

L-listinn mun halda áfram að styrkja byggðina, leita nýrra atvinnutækifæra sem og hlúa að þeim fyrirtækjum sem hér eru fyrir, bæta enn frekar aðbúnað fjölskyldufólks og huga að þörfum eldri borgara og öryrkja. Það viljum við gera í góðu samstarfi við ykkur, íbúana.

Fyrir 8 árum var lokið við byggingu sundlaugar og var það mikið þrekvirki að ljúka þeirri framkvæmd. Sýndu menn þá framsýni og fundu lausnir til að ljúka verkefninu þó að brekkan væri stundum nokkuð brött. Með þessu hugarfari höfum við unnið síðustu ár og má segja að megináhersla okkar síðustu fjögur ár hafi verið uppbygging innviða og viðhald eigna. Það má sjá mikinn árangur af því og sem dæmi bendi ég á mannvirki á skólalóðinni, félagsheimilið og blokkina. Á þessu ári eru það frágangur gatna, malbikun bílaplana og uppbygging við náttúruperluna okkar í Hrútey sem unnið er að, ásamt því að koma upp smíðastofu við Blönduskóla. Við erum jafnframt að fjárfesta í byggingu gagnavers og með því skapast ný atvinnugrein á Blönduósi sem nýtir orkuna úr Blöndu.

Við munum huga að nýjum verkefnum og í okkar augum er sameining sveitarfélaga vænlegur kostur til eflingar sýslunnar. Byggja þarf við húsnæði Blönduskóla og koma þar upp aðstöðu fyrir list- og verkgreinar. Þá þarf að huga að húsnæði leikskólans og koma með þeim hætti í veg fyrir að biðlistar myndist þar inn. Byggja þarf húsnæði og auka hvata til þess að einstaklingar sjái sér hag í að fjárfesta í nýbyggingum. Huga þarf að frágangi opinna svæða og efla þarf tjaldsvæðið og gera á því úrbætur með það í huga að gestir eru farnir að dvelja þar allt árið. Skoða þarf möguleika á því að stækka útivistarsvæðið í Vatnahverfi t.d. með því að nýta hluta af landi Ennis, meðal annars til gróðursetningar. Þá þarf að vinna með íþróttafélögunum að eflingu þeirra eins og gert hefur verið með myndarlegum hætti á síðustu árum.

Vöxtur Blönduóss og öflugra bæjarfélag er það sem við öll viljum. Ég hvet ykkur til að taka þátt í því með okkur og veita okkur stuðning til áframhaldandi starfa í þágu sveitarfélagsins.

Kjósum L-listann á kjördag.

Guðmundur Haukur Jakobsson 1. sæti L listans á Blönduósi

 

Greinar

Kosningaskrifstofa

Opnunartími kosningaskrifstofu L-Listans í Félagsheimilinu á Blönduósi:

Þriðjudagur 22. maí 18:00-21:00

- Farið verður yfir málefni með áherslu á heilbrigt- og fjölskylduvænt samfélag

Miðvikudagur 23. maí 18:00-21:00
- Farið verður yfir málefni með áherslu á atvinnumál

Fimmtudagur 24. maí 18:00-21:00
- Pizzakvöld fyrir unga fólkið kl 20:00

Föstudagur 25. maí 18:00-22:00
-Óvænt uppákoma

Laugardagur 26. maí 10:00-22:00
- Kosningakaffi 14:00-18:00
-Úrslit meistaradeildarinnar verða sýnd á tjaldi
- Kosningavaka eftir kl 22:00

 

 

 

Fréttir

Tækifærin eru á Blönduósi

Eftir Guðmund Hauk Jakobsson sem skipar 1. sæti L-listans

Nú er komið að kosningum og það er tilhlökkunarefni með þeim fjölbreytta og góða hópi sem skipar L-listann. Samfélagið okkar hefur dafnað vel á síðustu árum og hefur tekist að skapa samfélag sem fólk vill búa í. Það er ekki sjálfsagður hlutur en með markvissum hætti hefur okkur tekist að búa til ný störf og hefur ungt fólk verið að flytja til okkar og því hefur fylgt aukinn kraftur og tiltrú. Þetta hefði ekki tekist nema með samhentu átaki, því staðreyndin er sú að enginn gerir hlutina einn.

L-listinn mun halda áfram að styrkja byggðina, leita nýrra atvinnutækifæra sem og hlúa að þeim fyrirtækjum sem hér eru fyrir, bæta enn frekar aðbúnað fjölskyldufólks og huga að þörfum eldri borgara og öryrkja. Það viljum við gera í góðu samstarfi við ykkur, íbúana.

Fyrir 8 árum var lokið við byggingu sundlaugar og var það mikið þrekvirki að ljúka þeirri framkvæmd. Sýndu menn þá framsýni og fundu lausnir til að ljúka verkefninu þó að brekkan væri stundum nokkuð brött. Með þessu hugarfari höfum við unnið síðustu ár og má segja að megináhersla okkar síðustu fjögur ár hafi verið uppbygging innviða og viðhald eigna. Það má sjá mikinn árangur af því og sem dæmi bendi ég á mannvirki á skólalóðinni, félagsheimilið og blokkina. Á þessu ári eru það frágangur gatna, malbikun bílaplana og uppbygging við náttúruperluna okkar í Hrútey sem unnið er að, ásamt því að koma upp smíðastofu við Blönduskóla. Við erum jafnframt að fjárfesta í byggingu gagnavers og með því skapast ný atvinnugrein á Blönduósi sem nýtir orkuna úr Blöndu.

Við munum huga að nýjum verkefnum og í okkar augum er sameining sveitarfélaga vænlegur kostur til eflingar sýslunnar. Byggja þarf við húsnæði Blönduskóla og koma þar upp aðstöðu fyrir list- og verkgreinar. Þá þarf að huga að húsnæði leikskólans og koma með þeim hætti í veg fyrir að biðlistar myndist þar inn. Byggja þarf húsnæði og auka hvata til þess að einstaklingar sjái sér hag í að fjárfesta í nýbyggingum. Huga þarf að frágangi opinna svæða og efla þarf tjaldsvæðið og gera á því úrbætur með það í huga að gestir eru farnir að dvelja þar allt árið. Skoða þarf möguleika á því að stækka útivistarsvæðið í Vatnahverfi t.d. með því að nýta hluta af landi Ennis, meðal annars til gróðursetningar. Þá þarf að vinna með íþróttafélögunum að eflingu þeirra eins og gert hefur verið með myndarlegum hætti á síðustu árum.

Vöxtur Blönduóss og öflugra bæjarfélag er það sem við öll viljum. Ég hvet ykkur til að taka þátt í því með okkur og veita okkur stuðning til áframhaldandi starfa í þágu sveitarfélagsins.

Kjósum L-listann á kjördag.

Guðmundur Haukur Jakobsson 1. sæti L listans á Blönduósi

 
Prenta Prenta